Актер Шәріп Серік қамауға алынды: экс сүйіктісі не дейді

СОТ ӨТІПТІ

Блогердің айтуынша актерді сот кінәлі деп таныған. 

“Бүгін Шәріптің соты болды. Оны 73 баптың баптың 1 бөлігі бойынша кінәлі деп танып 5 тәулікке қамады. Бұл шешім қаншалықты әділ немесе әділ емес деп айтпаймын.”- деп жазды Бутаева.

Осылай деген Бутаева әу бастан жазбаны жариялағанда кек алу ойында болмағанын айтты. 

“Бұрын да айтқанмын әуелден кек қайтару немесе жанжал шығару ойымда болмаған”- деп жазды Бутаева.

МӘН-ЖАЙ

Еске салайық, 4 сәуірге қараған түні актердің сүйіктісі, қазақстандық блогер Алия Бутеева актер Шәріп Серіктің жалаңаяқ күйінде оның артынан жүгіріп шығып, қолынан жұлқып, лифтіден күшпен алып шыққан сәтін түсірген фото мен видеоны жариялаған болатын. Суреттерде қыздың бетінде соққыдан із қалғаны да анық көрінеді. 

Өз жазбасында бойжеткен болған оқиға жайлы эмоцияға беріліп айтып, үнсіз қалмайтынын жеткізді.

АКТЕР НЕ ДЕЙДІ

- Мен зорлық-зомбылыққа қарсымын. Өкінішке қарай, сіздердің бәріңіз менің Алия Бутееваны лифтіден дөрекі түрде сүйреп шығарған видеоны көрдіңіздер. Өзімді ақтағым келмейді. Мен қателікке бой алдырдым және заң бойынша жауап беруге дайынмын.

Көпшілігіңіз ұрсысып қалған кезінде ашуға булыққан сәттерді бастан өткерген шығарсыздар. Бірақ мен сіздерден өтініп сұрарым – менің қателігімді қайталамаңыздар, ешқашан қол көтермеңіздер. Мен Алияны шапалақпен ұрдым. Осы әрекетім үшін одан, оның отбасынан және менің әрекетімнен көңіліне жара салған барша адамдардан кешірім сұраймын, дейді актер. 

ШӘРІП СЕРІК

Шәріп Серік қазақстандық киноиндустрияда белсенді актер ретінде танымал. Ол бірнеше фильмдер мен телехикаяларда рөл сомдаған. "Районы" (2016), "Бизнесмены" (2018), "Шекер" (2020)  фильмдеріндегі рөлімен көрерменге жақсы таныс.