Қырғызстанның бұрынғы президенті Алмазбек Атамбаевқа қатысты Қой-Таштағы оқиғалар бойынша қаралып жатқан іс аясында соттағы жарыссөздер аяқталды, деп хабарлайды Ulysmedia.kz.
АЙЫПТАУ АКТІ
24.kg мәліметінше, прокурорлар бірнеше сағат бойы айыптау актісін оқып шықты. Олардың сұранысы бойынша Алмазбек Атамбаевқа 11 жылға бас бостандығынан айыру жазасы сұралды.
Сондай-ақ, дәл осындай жаза Қырғызстан ҰҚМК-ның Тоғызыншы қызметінің бұрынғы қызметкері Канат Сағымбаевқа да талап етілді.
Одан бөлек:
Равшан Жээнбеков, Фарида Ниязова және Фархат Баабиев үшін 10 жыл бас бостандығынан айыру жазасы сұралды.
ҚОРҒАУШЫ НЕ ДЕЙДІ
Ал қорғаушы Айбек Турдуевтің айтуынша, Асель Кодуронова, Ирина Карамушкина және Кундуз Жолдубаеваға қатысты мерзімсіз пробациялық бақылау қолдану ұсынылған.
Сот отырысы ертең жалғасады.
ҚОЙ-ТАШ ОҚИҒАСЫ ТУРАЛЫ НЕ БЕЛГІЛІ
2019 жылдың 7 тамызында Қырғызстан ҰҚМК-ның арнайы жасағы Қой-Таштағы Алмазбек Атамбаевтың резиденциясын шабуылмен алуға тырысқан болатын. Келесі күні ІІМ мен ҰҚМК-ның бірлескен арнайы операциясы нәтижесінде Атамбаевты резиденциясынан алып шықты.
Алайда оның жақтастары қауіпсіздік күштеріне тас лақтырып, қоқыс пен автокөлік дөңгелектерін өрттеген. Екі күнге созылған қақтығыстарда 136 адам жараланып, бір арнайы жасақ қызметкері оқ жарақатынан көз жұмды.
АТАМБАЕВҚА ТАҒЫЛҒАН АЙЫПТАР
Экс-президентке бірнеше қылмыстық іс қозғалған. Атап айтқанда:
Алайда соңғы екі айып бойынша Атамбаев ақталып шыққан.
Сондай-ақ, Қой-Таш оқиғасына қатысты материалдар жер телімдері мен ЖЭО-ға көмір жеткізу істерімен біріктірілген.
