ҚР ІІМ қылмыстық-атқару жүйесі комитеті Қазақстанда сотталғандар мен бостындыққа шыққандарды қадағалауға арналған білезіктерді жалға алуға 22,9 млн теңге жұмсамақ, деп хабарлайды ulysmedia.kz.
«Техникалық сипаттамаға сай, білезіктердің көмегімен пробация қызметтерінде есепте тұрған адамның қайда жүргенін білуге болады. Бұған қоса олар дабыл жүйесімен жабдықталған. Осылайша, қылмыстық-атқару жүйесі комитеті 2 562 білезікті жалға алмақ. Білезіктердің ең көбін – 472 данасын Қостанай облысына жібермек. Ал Қызылорда облысы ең аз білезік (30 данасын) алады», - деп ақпарат таратты Protenge телеграм каналы.
