Таразда жантүршігерлік жол апаты болды: көлік автобус пен жүк пойызы вагонының арасында қысылып қалды, деп хабарлайды Ulysmedia.kz.
ОҚИҒАНЫҢ МӘН-ЖАЙЫ
Жол апаты бүгін, 4 мамырда сағат 11:25-те Бурыл станциясының жеке кірме жолының жеке өткелінде (Тараз-Жаңатас учаскесі) болған.
– "Мерседес" жеңіл автокөлігінің жүргізушісі теміржол өткелінен өту ережелерін бұзып, жүк құрамының вагондарымен соқтығысты, – деп хабарлады ҚТЖ.
Құрбан болғандар жоқ.
ҚТЖ автомобиль жүргізушілеріне жол қозғалысы ережелерін сақтауды ескертті.
Еске салайық, бұған дейін Ақтөбеде ер адам ұрлаған көлігімен жантүршігерлік жол апатына түскенін хабарлаған едік.
