Тарих ғылымдарының докторы Жақсылық Сәбитовтің пікірінше, мемлекет Нұрсұлтан Назарбаев туралы миф қалыптастыруға тырысты — яғни тұңғыш президентті тек жақсы қырынан көрсетуге күш салды, деп хабарлайды Ulysmedia.kz.
Алайда оның айтуынша, бұл процеске халық қарсы болған. Қазақстан қоғамы бұған жауап ретінде Қонаев туралы «әділ әрі адал басшы» бейнесін алға тартып, өз “аңызын” ойлап тапқан. Жақсылық Сәбитовтің айтуынша, бұл жағдайда адамдар Қонаевты қаралау әрекеттеріне — әсіресе қазіргі Қазақстан тарихы оқулықтарындағы кей тұстарға — назар аудармаған.
– Мемлекет Назарбаев туралы аңыз қалыптастырғысы келді, бірақ бұған халық қарсы болды. Бұл қарсылық әртүрлі формада көрінді. Мысалы, біз "бестомдықта" Қонаевтың жағымсыз сипатта көрсетілгенін білеміз. Бір кездері тарихшы әрі публицист Радик Темірғалиев осы "бестомдыққа" рецензия жазған. Сол жерде Қонаев өте жағымсыз кейіпте бейнеленген – не үстірт айтылған, не жаман жағынан ғана сипатталған. Мысалы, ол Семей полигонын жаппады деп кінәлайды. Алайда ол кезде ондай шешімді өзі қабылдай алатын жағдайда болмаған. Бірақ сонда да халық Қонаевтың бейнесін жағымды қабылдады.
Сөйтіп, екі аңыздың бәсекесі жүрді: бір жағында — «көркем Назарбаев» туралы мемлекеттік аңыз, ал екінші жағында — халықтың Қонаев туралы мифі, онда Қонаев Назарбаевтан артық деп саналады. Қарама-қайшылық күшті болғандықтан, халықтың аңызы жеңіске жетті. Өйткені Қонаевтың туыстары арасында миллиардер жоқ. Иә, ол билікте ұзақ отырды, бірақ артында не қалды? – деді тарихшы Асель Қожақовамен болған YouTube арна эфирінде.
АЙТА КЕТЕЙІК
Айта кетейік, Жақсылық Сәбитов – Қазақстандағы ең жиі дәйек келтірілетін тарихшылардың бірі, PhD докторы, Алтын Орда және қазақтардың этногенезі бойынша маман. Ғылыми мақалалар мен кітаптардың авторы.
