Сарапшылар сыртқы факторлардың ішінде рубльдің нығаюы мен әлемдік саудадағы геосаяси ахуалдың жалпы жақсарғанын атап өтеді, деп хабарлайды Ulysmedia.kz.
Сәрсенбі күні валюталық сауда қорытындысы бойынша USDKZT жұбының бағамы 506,52 теңге деңгейінде (минус 3,32 теңге) жабылған.
Ұлттық валюта бағамының мұндай динамикасы теңгеге сұранысты арттыратын сыртқы және ішкі факторларға байланысты болуы мүмкін. Сыртқы факторлардың қатарында рубльдің нығаюы мен әлемдік саудадағы геосаяси ахуалдың жалпы жақсаруын атап өткен жөн. Ал ішкі факторларға келсек, жергілікті нарықта экспорттаушылар мен Ұлттық банктің шетел валютасын ұсынуы қазақстандық компаниялар мен халық тарапынан оған деген сұраныстан айқын асып түсіп отыр, – деп жазады АФК сарапшылары.
Айта кетейік, доллар бағамы бірнеше күн қатарынан құлдырап барады.
