Қазақстан Қытайдың стратегиялық серіктесіне айналып келеді, деп хабарлайды Ulysmedia.kz.
ТОЛЫҒЫРАҚ
Технологиялық әлеуетін белсенді түрде дамытып, негізгі көрсеткіштер бойынша әлемдік көшбасшы болуға ұмтылып отырған Қытай тек ресурстардың тұрақты жеткізілуіне ғана емес, өз технологиялары мен даму үлгілерін ілгерілете алатын сенімді серіктестерге де қызығушылық танытып отыр. Сондықтан да Бейжің соңғы уақытта Қазақстанға жиі назар аудара бастады. Саясаттанушы Андрей Чеботаревтің пікірінше, Қытайдың бұл қызығушылығына үш фактор себеп: транзиттік әлеует, табиғи ресурстардың молдығы және дипломатиялық икемділік.
– Қазақстан бұл жағынан бірқатар ерекшеліктерімен ыңғайлы серіктес саналады. Атап айтқанда, географиялық орналасуы мен одан туындайтын транзиттік мүмкіндіктері, қомақты табиғи ресурстары және күрделі жаһандық және өңірлік саяси-экономикалық жағдайда байқалып отырған дипломатиялық икемділігі ерекше рөл атқарады. Соңғысы қазіргі жағдайда экономикалық артықшылықтардан кем емес мәнге ие. Сондықтан да геосаяси ахуал жылдам өзгеріп, Орталық Азиядағы ықпал үшін бәсеке күшейіп жатқан шақта Қазақстан Қытай үшін маңызды серіктес ретіндегі орнын нықтап келеді, – дейді саясаттанушы.
БҰҒАН ДЕЙІН
Еске салайық, бұған дейін Ulysmedia.kz Қазақстан атынан Қытайда 33 жыл бойы елшілік еткен тұлғалар туралы баяндаған еді.
