Қазақстан азаматтарының жеке деректерінің жаппай тарауына байланысты қылмыстық іс қозғалды, деп хабарлайды Ulysmedia.kz.
ТОЛЫҒЫРАҚ
Бас прокурордың орынбасары Ғалымжан Қойгелдиевтің мәлімдеуінше, жеке деректердің таралуы фактісі бойынша ҚР Қылмыстық кодексінің 147-бабы бойынша («Жеке өмірге қол сұғушылық және дербес деректерді қорғау заңнамасын бұзу») қылмыстық іс тіркелген.
Аталған іс бойынша тергеу жүргізу құзыреті Ішкі істер министрлігіне берілген.
КОНТЕКСТ
16 маусымда Telegram-арна SexuriXy.kz қазақстандықтардың жеке деректері тағы да жаппай тарағаны туралы хабарлады. Архивтік файлда азаматтардың аты-жөні, жынысы, туған күні, ЖСН, байланыс нөмірлері (ұялы, жұмыс, үй), азаматтығы, ұлты және мекенжайы қамтылған.
КІМДЕР ПІКІР БІЛДІРДІ
Бұл жайтқа қатысты премьер-министрдің орынбасары Қанат Бозымбаев және цифрлық даму, инновациялар және аэроғарыш өнеркәсібі министрі Жаслан Мәдиев пікір білдірген еді.
