Ресей Украина Ресей аумағына соққы жасауға бағытталған дрондарды ұшыру үшін Қазақстанның әуе кеңістігін пайдаланған деген болжамға байланысты наразылық білдірді, деп хабарлайды Ulysmedia.kz.
МӘН-ЖАЙ
– Біздің одақтасымызға және ҰҚШҰ мүшесіне қатысты мұндай әрекеттерді қатаң айыптаймыз, – деді Ресей сыртқы істер министрлігінің ресми өкілі Мария Захарова.
Оның айтуынша, 19 және 20 маусым күндері Украина қарулы күштеріне тиесілі бірнеше ондаған ұшқышсыз ұшу құрылғылары Батыс Қазақстан облысының үстінен ұшып өткен. Бұл дрондардың мақсаты Ресей аумағындағы нысандарға шабуыл жасау болуы мүмкін деген болжам айтылды. Ресей СІМ бұл әрекетті Ұжымдық қауіпсіздік туралы шарт ұйымының (ҰҚШҰ) одақтасына қарсы жол беруге болмайтын қадам деп бағалады.
Мария Захарова барлық жауапты мемлекет мен халықаралық ұйымды жағдайға баға беруге шақырды.
Айта кетейік, Қазақстан ресми түрде бейтарап ұстанымда қалып отыр және қақтығысты бейбіт жолмен шешуге үндейді.
2025 жылдың ақпан айынан бері Батыс Қазақстан аумағынан ұшқышсыз ұшу аппараттарының бес фрагменті немесе толық дрондар табылған.
