Ұлттық статистика бюросының дерегінше, қазақстандықтардың орташа жасы 32,3 жас, деп хабарлайды Ulysmedia.kz.
МӘН-ЖАЙ
Соңғы бес жылда бұл көрсеткіш 31,9 жастан өскен. Ер адамдардың орташа жасы – 30,7 жас, ал әйелдердікі – 33,9 жас.
ӨҢІРЛЕР
Өңірлер бойынша ең төмен орташа жас Түркістан облысында тіркелген – 27,7 жас. Сондай-ақ Маңғыстау облысы мен Шымкент қаласында бұл көрсеткіш 27,8 жасқа тең.
Ал ең жоғары орташа жас Солтүстік Қазақстан облысында – 39,2 жас, Шығыс Қазақстанда – 38,9 жас және Қостанай облысында – 38 жас.
АУЫЛ МЕН ҚАЛА
Қалалық халықтың орташа жасы ауылдықтарға қарағанда жоғары – тиісінше 32,7 және 31,7 жас.
