Қазақстанда бетті тұмшалайтын киімдерге ресми түрде тыйым салынды

ТОЛЫҒЫРАҚ

Бүгін президент Қасым-Жомарт Тоқаев қоғамдық орындарда бетті жабатын киім киюге тыйым салатын заңға қол қойды. 

Енді Қазақстанда қоғамдық орындарда адамның бет-жүзін тануға кедергі келтіретін киімді киюге ресми түрде тыйым салынады. Бұл шара қоғамдық қауіпсіздікті арттыруға және құқықбұзушылықтардың алдын алуға бағытталған.

Алайда кейбір жағдайлар бұл тыйым қолданылмайды:

• Қазақстан заңдары талаптарын орындау кезінде
• Қызметтік немесе еңбек міндеттерін атқару барысында
• Медициналық мақсатта
• Азаматтық қорғау кезінде
• Ауа райының қолайсыздығына байланысты
• Спорттық, бұқаралық спорттық және мәдени-бұқаралық іс-шараларға қатысу кезінде

Бұл норма тиісті заңға енгізілген өзгерістер аясында заңдастырылды.

БҰҒАН ДЕЙІН

Еске салайық, 10 маусымда сенатта «Құқық бұзушылықтың алдын алу туралы» заңға қоғамдық орындарда адамның бет-жүзін тануға кедергі келтіретін киім элементтерін киюге тыйым салуды көздейтін түзету ұсынылған болатын. Бұл бастама жұмыс тобының отырысында көтерілді.