Ақтауда сот мүгедектерді ұрып-соғып, оларды қайыр сұрауға мәжбүрлеген әйел мен оның ұлдарын соттады, деп хабарлайды Ulysmedia.kz.
МӘН-ЖАЙ
Маңғыстау облысында аты шулы қылмыстық іс аяқталды: Ақтау соты 50 жастағы әйел мен оның екі ұлына үкім шығарды. Олар мүгедектерді қанап және күшпен ұстағаны үшін айыпталған.
Олар 2023 жылғы қазаннан 2024 жылғы наурызға дейін төменгі мүгедек екі ер адамды күштеп ұстап, қайыр сұрауға мәжбүрлеген. Прокуратураның мәліметінше, жәбірленушілерді Қарағандыдан алдап-арбап жеткізген. Бастапқыда оларды Семейде, кейін Ақтаудағы базарларда қайыр сұратқан. Түскен барлық ақшаны отбасы өздеріне алып отырған.
Осы уақыт ішінде мүгедек жандар тұрақты түрде зорлық-зомбылыққа ұшыраған. Қашып кетуге талпынған кез-келген әрекеті үшін де соққыға жығылған.
Тек 2024 жылғы наурызда олардың бірі қашып шығып, полицияға шағымданған. Дәл осы шағым қылмысты ашуға және екінші жәбірленушіні құтқаруға мүмкіндік берген.
СОТ ҮКІМІ
Сот әйел мен оның екі ұлын кінәлі деп таныды. Үшеуіне де мүгедек жандарды қанау және күш қолдану баптары бойынша 7 жылдан бас бостандығынан айыру жазасы тағайындалды. Прокуратура бұл қылмыстың бірнеше айға созылғанын атап өтті.
