АҚШ президенті Дональд Трамп Ресей мен Украина арасындағы соғысты тоқтата алатынына сенімді емес екенін айтты. Дегенмен, оның сөзінше, бұл — Ақ үйдің басым бағыттарының бірі, деп хабарлайды Ulysmedia.kz.
ТОЛЫҒЫРАҚ
Трамп тағы да Украинадағы соғыстың басталуына Байден басқарған алдыңғы әкімшілікті кінәлады.
ДӘЙЕКСӨЗ
— Украинадағы жағдай — бұл Байденнің мәселесі. Трамптың емес. Мен оны аяқтауға тырысып жатырмын. Мен жай ғана бұл қақтығысты соңына дейін жеткізіп, реттегім келеді. Одан кейін не боларын көреміз. Аяқтала ма, жоқ па — нақты айта алмаймын, — деп келтіреді Трамптың сөзін Politico басылымы.
Бұған дейін Украина президенті Владимир Зеленский Дональд Трамппен келіссөздер жүргізу, Даниямен бірлескен қару-жарақ өндірісі туралы уағдаластық және Швеция тарапынан берілетін жаңа көмек пакеті жөнінде айтқан еді.
