АҚШ президенті Дональд Трамп Ресей басшысы Владимир Путинмен телефон арқылы сөйлескеннен кейін көңілі қалғанын айтты, деп хабарлайды Ulysmedia.kz.
МӘН-ЖАЙ
Бұған дейін Трамп Украинадағы жағдайды реттеу барысына көңілі толмайтынын айтқан еді. Ол Путинмен телефон арқылы сөйлесу кезінде ешқандай ілгерілеуге қол жеткізе алмағанын жеткізді.
Еске салайық, қос көшбасшы 3 шілде күні телефон арқылы сөйлескен еді.
ДӘЙЕКСӨЗ
— Мен президент Путинмен сөйлескеннен кейін көңілім қалды. Бұл әңгімеден кейін қатты көңілім қалды, — деп келтірді Трамптың сөзін РИА Новости агенттігі.
КОНТЕКСТ
Сондай-ақ Трамп 4 шілде күні Украина президенті Владимир Зеленскиймен сөйлескенін «жақсы әңгіме болды» деп бағалады. Оның айтуынша, «Зеленскийге қатты соққы беріліп жатыр».
