7 шілдеде түнде Павлодардың орталық жағалауында қайғылы жағдай болды. Төрт дөңгелекті велосипед – веломобиль – қоршауға соғылып, салдарынан 69 жастағы әйел оқиға орнында көз жұмды, деп хабарлайды Ulysmedia.kz.
МӘН-ЖАЙ
Павлодар облысы полиция департаментінің мәліметінше, әйел анасы және үш немересімен бірге веломобильде серуендеп жүрген. Құрылғы еңістен төмен түсу кезінде металл қоршауға соғылған.
– Қатты соққыдан кейін зейнеткер әйел алған жарақаттарынан оқиға орнында жан тапсырды. Оның қызы мен үш немересі ауруханаға жеткізілді, – деді полицияның баспасөз қызметі.
БАЛАЛАРДЫҢ ЖАҒДАЙЫ ҚАЛАЙ
Облыстық жедел жәрдем станциясының хабарлауынша, шақырту 6 шілде күні сағат 23:08-де түскен. Алты минуттан кейін дәрігерлер оқиға орнына жеткен.
– Өкінішке қарай, 69 жастағы әйелдің қайтыс болғаны расталды. 2010, 2015 және 2018 жылы туған үш қыз бала облыстық балалар ауруханасына жеткізілді. Тағы бір зардап шеккен – 39 жастағы әйел – Павлодардағы №1 ауруханасына жеткізілді, – деп мәлімдеді жедел жәрдем қызметі.
Қазір бұл оқиға бойынша полиция тексеріс жүргізіп жатыр.
