Қазақстанда жаңа үйлер қымбаттап кетті

Krisha деректеріне сәйкес, алты ай ішінде жаңа пәтерлердің бағасы ең көп өскен қалалар:

• Павлодарда: +18,9%;
• Алматыда: +12,3%;
• Шымкентте: +10%;
• Талдықорғанда: +9,5%;
• Қонаевта: +9%;
• Атырауда: +6,2%.

Астана, Ақтөбе, Қарағанды, Жезқазған, Петропавл және Орал қалаларында баға қалыпты өскен — жарты жылда 3–5% шамасында. Ал Өскемен, Семей және Түркістан қалаларында өсім шамалы ғана: 2%-ға дейін.

Маусым айының қорытындысы

Маусымда (мамырмен салыстырғанда) ел бойынша алғашқы нарықтағы пәтер бағасы 1,1%-ға көтерілген.

Баға өсімі бойынша көшбасшылар:

• Павлодар: +6,6%;
• Қызылорда: +5,4%;
• Шымкент: +5%.
  Алматыда – +2,3%, ал керісінше, Астанада баға аздап төмендеген: –0,4%. Бұл – мүмкін болатын түзетудің алғашқы белгісі.

Пікір

Экономист Элдар Шамсутдиновтің айтуынша, 2023–2024 жылдардағы қарқынды өсімнен кейін нарық тепе-теңдікке келе бастады. Астанада сұраныс бәсеңдеп, бұл бағаға әсер етіп жатыр. Ал Алматыда жағдай біршама тұрақты – жаңа пәтер аз, сұраныс бар, бірақ дүрбелең жоқ. Ел бойынша орташа жылдық өсім – +9,5%.