Бүгін Перизат Қайрат пен анасына қатысты сот үкімі шығады, деп хабарлайды Ulysmedia.kz.
СОТ ҮКІМІ
Судья Сабыржан Кәрімов бүгін сағат 15.00-де Перизат Қайрат ісі бойынша үкімді оқиды.
ПРОКУРОРЛАР НЕ ДЕДІ
Бұған дейін прокурор Перизат Қайратты 10 жылға, анасы Ғани Алашбаеваны 8 жылға бас бостандығынан айыруды сұраған еді. Сондай-ақ мүлкін тәркілеп, түскен қаражатты жәбірленушілерге қайтаруды талап етті.
БҰҒАН ДЕЙІН
23 шілдеде өткен сотта жәбірленушілер мен олардың өкілдері соңғы сөзін айтты. Олардың бірі Ғайни Алашбаеваға аяушылық танытуға шақырып, анасын түрмеге қамауға қарсы шықты.
Перизат Қайрат пен анасының соңғы сөзі жабық өткен сот барысында айтылған.
