42 градус ыстық және нөсер жаңбыр: жексенбіде ауа райы қандай болады

ТОЛЫҒЫРАҚ

“Қазгидромет” мәліметінше, еліміздің оңтүстігінде жауын-шашынсыз ауа райы сақталады. Ал солтүстік-батыс циклоны мен оған байланысты атмосфералық фронттар Қазақстан аумағының басым бөлігінде жауын-шашын мен найзағай алып келеді.

– Солтүстік-батыс, солтүстік және орталық аймақтарда нөсер жаңбыр жауады. Кей аудандарда дауыл тұрып, бұршақ жаууы мүмкін. Республика бойынша жел күшейіп, оңтүстік пен орталықта шаңды дауыл соғады. Солтүстікте түнде және таңертең тұман түседі, – делінген синоптиктер болжамында.

ЫСТЫҚ:

• Жетісу, Абай, Жамбыл, Алматы, Шығыс Қазақстан облыстарында +35…+39°C;
• Павлодар мен Қарағанды облысының оңтүстігінде +35…+36°C.

АПТАП ЫСТЫҚ:

•  Жетісу облысының солтүстік-батысы мен орталығы, Абай облысының оңтүстігі, Алматы облысының батысы мен солтүстігі, ШҚО-ның оңтүстігінде +41…+42°C.

ЖОҒАРЫ ӨРТ ҚАУПІ:

• ШҚО, Абай, Қостанай (батысы мен шығысы), Ақмола (орталығы), Павлодар (батысы, шығысы, оңтүстігі), Атырау (батысы мен оңтүстігі), Маңғыстау (оңтүстік-шығысы).

ТӨТЕНШЕ ӨРТ ҚАУПІ:

• Қызылорда, Түркістан, Алматы, Жамбыл, Қарағанды, Жетісу облыстары;
• Ақтөбе облысының оңтүстігі мен шығысы;
• Ұлытау, Атырау (шығысы мен орталығы);
• Маңғыстау (солтүстігі, батысы, оңтүстігі);
• Қостанайдың оңтүстігі;
•  Абай (солтүстік-батысы, оңтүстігі, орталығы);
• ШҚО-ның оңтүстігі.