Қостанайда Ресей әскери-теңіз күштері күні атап өтілген. Бұл туралы Саида есімді қолданушы Threads-парақшасында жазды, деп хабарлайды Ulysmedia.kz.
МӘН-ЖАЙ
«Қостанай қаласындағы қала орталығындағы жағалауда 27-і күні денелеріне жолақ көйлек киген адамдар Ресейдің әскери-теңіз флотының күнін тойлады», — деп жазды ол.
«Тіл кеспек жоқ» телеграм арнасының жазуынша, Қостанай қалалық ішкі саясат бөлімінің басшысы Олжас Дүйсеков бұл ақпаратты растаған.
«Мәдени іс-шара ұйымдастыру бойынша әкімдікке арыз түспеген. Ұйымдастырушылар қалалық әкімдікпен алдын ала келіспеген», — деді ол.
ӘКІМШІЛІК ЖАЗАҒА ТАРТЫЛАДЫ
Оның сөзіне қарағанда, ұйымдастырушыларға түсіндіру жұмыстары жүргізілген. Олар әкімшілік жазаға тартылады.
«Мәдени іс-шараны өткізуді келіспегендіктен ұйымдастырушы әкімшілік жазаға тартылатын болады. Ұйымдастырушылармен түсіндіру жұмыстарын жүргіздік», — деді ол.
