Алматы облысындағы Қаскелең қаласының тұрғындары жарықтың жиі өшетініне шағымданып жатыр, деп хабарлайды Ulysmedia.kz.
МӘН-ЖАЙ
Шағым әлеуметтік желілерде жарияланды. Желі қолданушылары жауапты электр компаниясына қоңырау шалуға тырысып жатқанын көрсететін видеоны жариялады.
— Қаскелеңде неге жиі жарық сөнеді? Және неге РЭС-ке қоңырау шалу мүмкін емес? Жарық сөнгенде, мобильді байланыс та жоғалып кетеді, — делінген жазбада.
Жазбаның астына ондаған тұрғын пікір қалдырып, бұл мәселенің жиі болатынын айтып отыр:
— Электр желісіне мүлде хабарласа алмайсың. Қаскелеңде электр желісі — жеке мемлекет сияқты.
— Жел сәл ғана соқса — жарықты бірден өшіріп тастайды.
— Кейінгі уақытта жарықты күнде өшіретін болды — Молодежный ықшам ауданы, Оқжетпес көшесі. Неге екенін түсіндірмейді. Жел соқса да, жаңбыр жауса да, тіпті ауа райы ашық болса да — бәрібір сөндіреді, — деп жазып жатыр қала тұрғындары.
Жарияланған сәтте жергілікті қызметтерден ресми жауап берілмеген.
