Еуроодақ Қытайға қарсы санкция дайындап жатқаны белгілі болды, деп хабарлайды Ulysmedia.kz.
Рolitico басылымының мәліметінше, Еуропалық Одақ Пекиннің Ресейдің Украинаға басып кіруін қолдағанына байланысты Қытайға санкция салуға ұмтылуда.
Басылымның хабарлауынша, ЕО санкция салу мәселесін Reuters агенттігі Қытай дрон қозғалтқыштарын тоңазытқыш қондырғылары ретінде жеткізгені туралы зерттеуін жариялағаннан кейін талқылай бастаған.
15 ел Пекинге шағым түсірген. Бірақ Қытай билігі қатысы барын жоққа шығарған немесе жауап беруден бас тартқан.
