Жыл басынан бері Қазақстанда 120-ға жуық шетелдік компания жабылды, деп хабарлайды Ulysmedia.kz.
ТОЛЫҒЫРАҚ
Елде шетелге қатысы бар барлығы 44 876 ұйым жұмыс істейді, деп жазады LS. Ресейлік компаниялар саны едәуір қысқарған – 1,3 мыңға немесе 6,9%-ға азайды. Соған қарамастан, көрші мемлекет Қазақстандағы шетелдік кәсіпорындар саны бойынша көшбасшылықты сақтап отыр – 17,5 мың ұйым, яғни жалпы үлестің 39,1%-ы.
КЕТКЕНДЕР
Сонымен қатар, 189 түрік, 269 қырғыз, 87 украин, 71 ауған, 47 оңтүстіккореялық, 39 беларусь, 28 америкалық, 23 ағылшын, 17 грузин, 13 нидерландтық және үш неміс компаниясы жабылды.
КЕЛГЕНДЕР
Керісінше, Әзербайжаннан (1,2 мың), Қытайдан (4,7 мың) және Өзбекстаннан (5,5 мың) келген ұйымдар саны өсіп отыр: тиісінше +39, +1 047 және +1 116 кәсіпорын қосылды.
САЛА БОЙЫНША
Ең көп қысқару сауда саласында байқалды: –326 шетелдік кәсіпорын, жалпы саны 15,5 мыңға дейін азайды. Қызмет көрсету саласында 235 компания жабылып, 2,3 мың ғана қалды. Ақпарат және байланыс саласында 222 ұйым азайып, 3,2 мыңға түсті. Ал кәсіби, ғылыми және техникалық қызметте –113 кәсіпорын қысқарып, барлығы 3,2 мың ғана қалды.
