Жақын уақытта әлемде жаңа пандемия болуы мүмкін. Вирусологтардың сөзінше, көптеген ел жаңа індетке дайын емес, деп хабарлайды Ulysmedia.kz.
ТОЛЫҒЫРАҚ
Гонконг университетінің құрметті профессоры, вирусолог Джозеф Шриал Малик Пейристің пікірінше, жаңа пандемияның алдын алу мүмкін емес. Оның айтуынша, ол таяу уақытта да басталып кетуі ықтимал. Алайда әлемдік қауымдастық мұндай жаһандық сын-қатерге әзір емес.
— Covid-19-дың тыныс жолдары арқылы таралатын вирус екендігі ерекше алаңдатады. Себебі жануарлардан адамға жұғатын жаңа вирустар қаупі артып келеді. Келесі пандемияны дәл осындай тыныс жолдары арқылы берілетін вирустар тудыруы мүмкін, — дейді вирусолог.
