Алматы әкімдігі әл-Фараби даңғылындағы газ құбырын қайта жаңарту жұмыстарының тоқтатылғанын мәлімдеді, деп хабарлайды Ulysmedia.kz.
ТОЛЫҒЫРАҚ
Алматы әкімдігінің мәліметінше, QazaqGaz Aimaq АҚ Луганский және Армянская көшелерінен бастап, әл-Фараби даңғылынан Esentai Mall автотұрағына дейінгі, сондай-ақ әл-Фараби даңғылынан Меңдіқұлов бульварына дейінгі жерасты газ құбырын қайта жаңартуды жоспарлаған.
Жұмыстар жаз мезгілінде жүргізілуге тиіс еді. Алайда ұйымдастыру мәселелеріне байланысты олардың басталуы кешіктірілді.
– Жаңа оқу жылының басталуын, жоспарланған қайта жаңарту аймағында көп мектеп пен мектепке дейінгі ұйымның орналасқанын, сондай-ақ әл-Фараби даңғылындағы автокөлік кептелісін ушықтырмау үшін қала әкімі тапсырмасымен бұл жұмыстар уақытша тоқтатылды, – деп нақтылады әкімдіктің баспасөз қызметі.
Алдын ала жоспар бойынша, газ құбырын қайта жаңарту жұмыстары келесі жылдың жаз мезгілінде қайта басталады.
