×
538.54
628.31
6.7
#қаңтар қақтығысы #Украинадағы соғыс #жемқорлық #тағайындау
538.54
628.31
6.7

Атырауда автобус 10 жастағы баланы қағып өлтірді

Бүгін, 12:07
Атырауда автобус 10 жастағы баланы қағып өлтірді
Depositphotos.com/LyazaTretyakova

Атырау облысында автобус аялдама маңында 10 жастағы ұл баланы қағып кетті. Бала алған жарақатынан ауруханаға барар жолда көз жұмды, деп хабарлайды Ulysmedia.kz.

МӘН-ЖАЙ

Атырау облысында жол-көлік оқиғасынан оқушы қаза тапты. Оқиға 30 тамыз күні сағат 13:30 шамасында Тасқала ауылындағы Орталық көшеде болған.

mgorod.kz порталының дерегінше, Toyota Coaster маркалы автобустың жүргізушісі 10 жастағы баланы қаққан. Оқушы “Мектеп” аялдамасының жанында жолдан өтіп бара жатқан.

Ауыр жарақат алған балаға дәрігерлер көмек көрсетуге тырысқанымен, ол медициналық мекемеге жетпей жолда қайтыс болды. Қайғылы жағдайға байланысты сотқа дейінгі тергеу басталды.

БҰҒАН ДЕЙІН

Еске салайық, бұған дейін Шымкентте полицей әйелді қағып өлтіргенін хабарлаған едік. 

Жол апаты Желтоқсан көшесінде болған. Полиция департаментінің мәліметінше, жаяу жүргінші жолдың белгіленбеген жерінен кенеттен жүгіріп шыққан. Әйел алған жарақатынан оқиға орнында көз жұмды.

Серіктес жаңалықтары