Астанада 15 қыркүйектен бастап коммуналдық кәсіпорындар мен мемлекеттік компаниялардың жұмыс күні басталу уақыты өзгеруі жоспарланып отыр, деп хабарлайды Ulysmedia.kz.
МӘН-ЖАЙ
Қалалық әкімдік бұл шара жолдағы көлік қозғалысын жеңілдетуге және көлік ағынын оңтайландыруға бағытталғанын мәлімдеді.
Өзгерістер, негізінен, қаланың орталық бөлігінде орналасқан мемлекеттік және квазимемлекеттік ұйымдарға қатысты болмақ.
– Ал мектептер, медициналық мекемелер мен халыққа қызмет көрсету орталықтары сияқты әлеуметтік нысандардың жұмыс режимі өзгеріссіз қалады, – делінген хабарламада.
Қазіргі уақытта Астананың әртүрлі ауданындағы көлік ағындарына кешенді талдау жүргізіліп жатыр.
Жұмыс күнінің басталу уақытын ауыстырудан бөлек, түскі үзілістің немесе жұмыс күнінің аяқталу уақытын өзгерту сияқты басқа да шаралар қарастырылып жатыр.
