2025-2026 оқу жылында қазақстандық оқушыларды бірқатар маңызды жаңалықтар күтіп тұр, деп хабарлайды Ulysmedia.kz.
ТОЛЫҒЫРАҚ
Биылдан бастап білім беру процесіне жасанды интеллект элементтері енгізіледі. Ол үшін “Цифрлық сауаттылық” пен “Информатика” пәндеріне жасанды интеллектке қатысты тақырыптар интеграцияланды.
– Бұл бағытта ЖИ қолданудың Этикалық стандарттары бекітілді. Оқушыларға Day of AI онлайн-курстары дайындалды, ал мұғалімдер үшін біліктті арттырудың үш деңгейлі бағдарламасы әзірленді, – деп нақтылады Оқу-ағарту министрлігі.
БҰҒАН ДЕЙІН
Еске салайық, бұған дейін ҚР оқу-ағарту министрі Ғани Бейсембаев 1 қыркүйекке қарай 115 мың оқушыға арналған 83 жаңа мектеп ашылатынын айтқан еді.
Бұл бастаманың басы ғана: жыл соңына дейін тағы 111 мектеп (140 мың орын) пайдалануға беріледі. Жалпы ел бойынша 267 мың орынға шақталған 232 мектептің құрылысы жүріп жатыр.
Ауқымды жұмыстар министрліктің тек қазіргі тапшылықты жойып қоймай, болашақтағы “оқушы легіне” де дайындалып жатқанын көрсетеді.
