Мәжіліс депутаты Абзал Құспан банкир Жомарт Ертаевтың мерзімінен бұрын түрмеден босап шығуын заңсыз деп есептейді, деп хабарлайды Ulysmedia.kz.
ДЕПУТАТ НЕ ДЕЙДІ
Мәжілісмен Ертаевтың мерзімінен бұрын босап шығуға қатысты ойын айтты.
- 114 млрд теңге ұрлап, сотталған Жомарт Ертаевтың мерзімінен бұрын босап шығуы заңға қайшы деп есептеймін. Осыған байланысты мен бас прокурорға ресми хат жолдап, Алматы облысы Алатау қаласы сотының қаулысына прокурорлық тексеру жүргізуді және заңсыздық анықталса, наразылық келтіруді сұрадым, дейді депутат.
АМНИСТИЯ
Еске салайық, кеше, 3 қыркүйекте банкир Жомарт Ертаевтың бостандыққа шыққаны белгілі болды. Құқық қорғаушылар қарсы шығып жатыр.
Артынша сот Ертаевтың неге мерзімінен бұрын бостандыққа шыққанын түсіндіруге тырысты.
