АҚШ президенті Дональд Трамп Украинадағы соғысты аяқтау өз ойлағанынан әлдеқайда қиын болып шыққанын мәлімдеді, деп хабарлайды Ulysmedia.kz.
ТОЛЫҒЫРАҚ
АҚШ президенті Дональд Трамп Владимир Зеленский мен Владимир Путиннің арасында тікелей келіссөздер өткізу мүмкіндігіне олардың терең жеке өшпенділігі кедергі келтіреді деген күмәнін білдірді, деп жазады BBC.
- Мен үшін бұл оңай болады деп ойладым. Бірақ бұл қиын болып шықты. Зеленский мен Путин арасындағы өшпенділік ақылға қонымсыз, – деді АҚШ президенті президенттік ұшаққа мінер алдында.
Одан Путин мен Зеленскийдің келіссөздер өткізу ықтималдығына сенесіз бе деп сұрағанда, Трамп:
- Білмеймін. Әрине, маған өзім сөйлесуге тура келетін сияқты, – деп жауап берді.
Оның айтуынша, бұл «жақын арада» болуы мүмкін. Ал үшжақты саммит өткізу келесі қадам бола ала ма деген сұраққа Трамп:
- Келіссөздер өтсе болды – оны саммит деп атайсыз ба, әлде жай ғана кездесу дейсіз бе, айырмашылығы жоқ. Бірақ, мүмкін, менің қатысуыма тура келеді. Олар бір-бірін соншалықты жек көреді, тіпті сөйлесудің өзі қиын, – деп атап өтті.
