Енді көлік туралы кез келген ақпаратты 500 теңгеге тексеруге болады

ТОЛЫҒЫРАҚ

«Авто тарихы» атты жаңа сервис «ХҚКО» мобильді қосымшасында қолжетімді. Енді қазақстандықтар елде тіркелген автокөліктер туралы толық ақпарат ала алады. Қолжетімді деректер тізімі:

• көлікті тіркеу;
• тәркілеу, кепілде болу немесе әкімшілік айыппұлдардың бар-жоғы;
• кедендік рәсімдеу;
• утилизациялық алымның төленуі;
• арнайы белгілер;
• берілген техпаспорттар.

Бұл ақпаратты алу үшін пайдаланушы көліктің VIN-кодын енгізуі керек. Есеп мемлекеттік деректер базасы мен ақпараттық жүйелер негізінде нақты уақыт режимінде қалыптастырылады.

Қызмет ақылы: бір тексерудің құны – 500 теңге. Сондай-ақ арнайы «пакеттерді» сатып алуға болады: 10 тексеру – 4500 теңге, 20 тексеру – 8000 теңге.

– Мұндай формат жасырын проблемаларды алдын ала анықтауға, көлік сатып алу кезінде тәуекелдерді азайтуға және автокөліктің заңды тазалығына көз жеткізуге мүмкіндік береді. Сонымен бірге сервис мәмілелердің ашықтығын арттырып, автонарықтағы алаяқтық ықтималдығын төмендетеді, – делінген хабарламада.