Ресейдің атқылауы салдарынан Чернобыль атом электр станциясы жарықсыз қалып, төтенше жағдай жарияланды, деп хабарлайды Ulysmedia.
Мән-жай
Украина энергетика министрлігінің мәліметінше, Ресейдің Киев облысындағы энергетикалық инфрақұрылымдарды атқылау салдарынан Славутич қаласындағы «Чернобыль АЭС» жарықсыз қалып, төтенше жағдай жарияланған.
«Чернобыль атом электр станциясында төтенше жағдай орын алды: электр кернеуінің ауытқуы салдарынан жаңа қауіпсіз саркофаг электр қуатынсыз қалды. Бұл құрылым жарылған төртінші энергоблокты оқшаулап, радиацияның таралуын болдырмауға арналған. Қазір станцияны электрэнергиясымен қайтадан қамтамасыз ету шаралары қолға алынған», – делінген министрлік мәлімдемесінде.
