Қазақстан цирк пен зоопарктерге тыйым салынуы мүмкін

ЦИРК ПЕН ЗООПАРК – ЕСКІ ЖҮЙЕ МЕ?

Көптеген елдерде жануарлар қатысатын цирктер мен дәстүрлі зоопарктер ескірген әрі қатыгез мекемелер ретінде қарастырылады. Петиция авторының пікірінше, бұл орындардағы жануарлар табиғи ортадан айырылып, тар кеңістікте өмір сүріп, ауыр қарым-қатынасқа ұшырайды.

ҚАЗАҚСТАНҒА ГУМАНДЫ ҚОҒАМ ҚҰРУ МАҢЫЗДЫ

«Қазақстан әлемдік үрдістерге ілесіп, жануарларға деген ізгі көзқарасты қалыптастыруы тиіс. Цирктер мен зоопарктерді жануарларсыз ету – оларды қатыгездіктен қорғап қана қоймай, экологиялық жауапты қоғам құруға жол ашады», – делінген петиция мәтінінде.

НЕ ТАЛАП ЕТІЛЕДІ?

Петицияда келесі талаптар көрсетілген:

• Жабайы және үй жануарларын стационарлық және көшпелі цирктерде қолдануға толық тыйым салу (оның ішінде үйрету, гастроль, жалға беру және жануарлармен нөмір көрсету);
• Жаңа вольерлік зоопарктерді салуға мораторий енгізу және жұмыс істеп тұрғандарын кезең-кезеңімен жануарларға арналған баспаналарға айналдыру;
• 3–5 жылдық өтпелі кезеңді бекіту, бұл кезеңде жануарларды уақытша ұстау және қажет болған жағдайда халықаралық стандарттарға көшіру бағдарламасы жүзеге асырылады, сондай-ақ қызметкерлерді қайта бейімдеуге қолдау көрсетіледі.

ПЕТИЦИЯНЫ ҚОЛДАУШЫЛАР САНЫ ӘЗІРГЕ АЗ

Қазіргі таңда бұл петицияны 100-ден сәл асатын адам қолдаған. Ал оны ресми қарастыру үшін 50 мың қол жинау қажет.