Мысырға кіру қиындайды: жаңа ережелер белгілі болды

Мысыр Араб Республикасының Астанадағы Елшілігінің ресми ақпаратына сәйкес, 2025 жылғы 1 қазаннан бастап Қазақстан азаматтарына қатысты визалық режимге енгізілген жаңа талаптар күшіне енді.

Жаңа тәртіпке сәйкес:

• 21 жасқа толмаған қазақстандықтар ата-анасының біреуінің (әкесі немесе анасы) бірге жүруінсіз Мысыр аумағына кіре алмайды;
• 21 жасқа толған азаматтар Мысырға туристік сапармен барғанда, егер сапар тек Шарм аш-Шейх аймағымен шектеліп, 15 күннен аспайтын болса, визаны Шарм аш-Шейх халықаралық әуежайында рәсімдей алады;
• Каир, Хургада немесе Мысырдың басқа қалаларына баруды жоспарлаған азаматтар сапар алдында Қазақстандағы Мысыр Елшілігінен виза алуы тиіс.

БҰҒАН ДЕЙІН

2025 жылдың 12 қазанынан бастап Еуроодақ шекараларында жаңа кіру/шығу жүйесі іске қосылатынын, бұл жүйе шекаралық бақылауды жылдамдату мақсатында енгізілетінін хабарлаған едік. 

ЕУРООДАҚ ШЕКАРАДАҒЫ БАҚЫЛАУДЫ ҚАТАЙТАДЫ

Алғашында 2024 жылдың қарашасында іске қосылуы жоспарланғанымен, ЕО елдеріне дайындалуға қосымша уақыт беріліп, енгізу мерзімі кейінге шегерілген.

БИОМЕТРИЯЛЫҚ ЖҮЙЕ: ПАСПОРТ ШТАМПТАРЫМЕН ҚОШТАСУ

КШЖ (Кіру/Шығу Жүйесі) — биометриялық жүйе. Ол ЕО-ға кірмейтін елдердің азаматтарының 90 күнге дейінгі қысқа мерзімді сапарларын тіркейді. Жүйе саусақ іздері мен бет бейнесін жинап, паспортқа штамп қою қажеттілігін жояды.