«Қазгидромет» РМК синоптиктері 12 қазан күні еліміздің үш мегаполисіндегі ауа райына қатысты болжам ұсынды, деп хабарлайды Ulysmedia.kz.
Астанада бұл күні ауыспалы бұлтты, жаңбыр мен қар аралас жауын-шашын күтіледі. Солтүстік-шығыстан соққан желдің жылдамдығы 9-14 м/с, күндіз екпіні 15-20 м/с дейін жетуі мүмкін. Ауа температурасы түнде –1…+1 °С, күндіз +1…+3 °С болады.
Алматыда ауа райы құрғақ әрі салыстырмалы түрде жылы болады. Ауыспалы бұлтты, жел солтүстік-шығыстан 3-8 м/с жылдамдықпен соғады. Түнгі температура +5…+7 °С, күндіз +21…+23 °С шамасында.
Шымкентте күндіз жаңбыр мен найзағай күтіледі. Жел оңтүстік-батыстан 8-13 м/с жылдамдықпен соғып, екпіні 15-20 м/с дейін күшеюі ықтимал. Ауа температурасы түнде +13…+15 °С, күндіз +22…+24 °С болады.
