Қазақстанда инвесторлар мемлекеттік қолдау алғаны үшін «есеп беруге» міндеттеледі

ТОЛЫҒЫРАҚ

Ұлттық экономика министрінің бұйрығына сәйкес, мемлекеттік қолдау көрсетілген кезде инвесторға саланы дамыту мен инвестициялардың тиімділігін арттыруға бағытталған қарсы міндеттемелер жүктеледі.

Бұл бұйрық 2026 жылдың 1 қаңтарынан бастап күшіне енеді.

САЛАЛАР

Құжатта қарсы міндеттемелер келесі салалардағы инвестицияларға қатысты болатыны көрсетілген:
    •    ауыл, орман және балық шаруашылығы;
    •    құрылыс;
    •    көтерме және бөлшек сауда;
    •    автомобильдер мен мотоциклдерді жөндеу;
    •    көлік және қоймалау;
    •    қонақүй және қоғамдық тамақтану қызметтері;
    •    ақпарат және байланыс;
    •    қаржы және сақтандыру қызметі;
    •    жылжымайтын мүлік операциялары;
    •    кәсіби, ғылыми және техникалық қызмет;
    •    әкімшілік және қосалқы қызметтер;
    •    білім беру;
    •    денсаулық сақтау және халықты әлеуметтік қамсыздандыру;
    •    өнер, ойын-сауық және демалыс.

Инвестордың қарсы міндеттемелерін инвестициялар жөніндегі уәкілетті орган анықтайды. Сонымен қатар, міндеттемелерді орындау мерзімі 25 жылдан аспауы тиіс.