Автокөлік нарығын бақылау және талдау агенттігінің басшысы Артур Мискарян Қазақстандағы жаңа көліктердің сатылу динамикасы туралы айтты, деп хабарлайды Ulysmedia.kz.
САТУ КӨРСЕТКІШІ
Оның айтуынша, 2023 жылы Қазақстан нарығында әр 1000 тұрғынға 10 жаңа көлік сатылған. 2024 жылы да бұл көрсеткіш тұрақты деңгейде сақталған.
Маманның болжамынша, биылғы жылы елде жаңа автокөлік сатылымы әр 1000 адамға 11 көліктен келіп, рекорд орнауы мүмкін.
САЛЫСТЫРУ
Ресейде – 11 көлік,
Иран мен Таиландта – дәл осындай көрсеткіш,
Қытайда – 18 көлік,
Ал көпжылдық көшбасшылар – АҚШ (47 көлік) және Канада (46 көлік) болып қала береді.
