Елена Рыбакина алғаш рет мансабында WTA маусымның қорытынды турнирінің финалына шықты, деп хабарлайды Ulysmedia.kz.
ТОЛЫҒЫРАҚ
Ол жартылай финалда әлемнің бесінші ракеткасы Джессика Пегуланы 4:6, 6:4, 6:3 есебімен жеңді. Бірінші сетте Елена қарсыласына жол берді, алайда келесі партияларда сенімді ойнады.
Финалда қазақстандық спортшы Арина Соболенкомен кездеседі. Финалдық матч бүгін, 8 қарашада өтеді.
ҚАЗАҚСТАН ҮШІН ТАРИХИ ЖЕҢІС
Бұл нәтиже — тек Елена үшін емес, бүкіл қазақстандық теннис тарихы үшін де тарихи жетістік. Бұған дейін Қазақстан атынан шыққан ешбір теннисші жылдың қорытынды турнирінің финалында ойнаған емес.
