Қырғызстан президенті Садыр Жапаров ел экономикасының қарқынды өсуі арқасында сыртқы қарыздан құтыла алатынына сенімді, деп хабарлайды Ulysmedia.kz.
ТОЛЫҒЫРАҚ
Қырғызстан 2035 жылға қарай сыртқы қарыздан толықтай құтылуды жоспарлап отыр, деп жазады vesti.kg. Президент Садыр Жапаровтың айтуынша, бұл мақсатқа «айтарлықтай қиындықсыз» жетуге болады.
НЕСИЕЛЕР
2020–2025 жылдары мемлекеттік қарызды өтеуге жалпы 285,4 млрд сом (3,3 млрд АҚШ доллары) бағытталды, оның ішінде:
– сыртқы қарыз — 170,5 млрд сом (1,9 млрд АҚШ доллары),
– ішкі қарыз — 114,9 млрд сом (1,4 млрд АҚШ доллары).
- Бұл жоғары экономикалық өсімнің арқасында мүмкін болып отыр. Болжам бойынша, осы қарқын алдағы 15–20 жылда да сақталады. Ірі жобалар жүзеге асырылып, жаңа инвестициялар тартылып жатыр, соның нәтижесінде елдің ЖІӨ-і одан да жылдам өседі. Мемлекеттік қарыздың тұрақтылығы оның ЖІӨ-ге қатынасы арқылы анықталады. Қазіргі уақытта бұл көрсеткіш 42%, ал бұрын 68–84% деңгейіне жеткен. Демек, алаңдауға негіз жоқ, - деді Жапаров.
