Петропавлда «Қызылжар» футбол клубының спорттық бренді, инфрақұрылымы және активтерін беру туралы келісімге қол қойылды, деп хабарлайды Ulysmedia.kz.
ТОЛЫҒЫРАҚ
«Қызылжар» ФК-ның инвесторы бизнесмен Сергей Кан болды. Оның айтуынша, бұл келісім бүкіл өңірдегі футболдың дамуына мүмкіндік береді.
- Бұл клубтың және жалпы Солтүстік Қазақстан футболының дамуына арналған маңызды қадам. Жекеменшік басқару жаңа мүмкіндіктер ашады, инвестиция тартуға және өңірлік футбол инфрақұрылымын дамытуға жол береді, – деп Сергей Канның сөзін клубтың баспасөз қызметі келтіреді.
ДАУЛАР
Сергей Кан және оның серіктесі Александр Клебанов Қазақстандағы энергетикалық инфрақұрылымды басқарады (Орталық Азия Электроэнергетикалық Корпорациясы). Корпорация жиі сынға ұшырайды. 2022 жылы Екібастұз бен Петропавлдағы жылу электр орталықтарында ірі апаттар болып, тұрғындар жылусыз қалған еді. Құрал-жабдықтар тозғандықтан, олар ЖЭО-ны жергілікті билікке өткізіп берді, ал олардың жаңғыртуына бюджеттен үлкен қаражат бөлінді.
Сергей Кан Forbes Kazakhstan тізімінде 22-орында, оның байлығы 470 млн доллар деп бағаланады.
