Қытай азаматтары енді кедендік тексеруге кезекті алдын ала брондай алады, деп хабарлайды Ulysmedia.kz.
ТОЛЫҒЫРАҚ
Wechat мессенджерінде Қытайдан Қазақстан шекара өткелдеріне шыққан автомобильдер үшін кедендік тексеруге жазылуға арналған мини-бағдарлама іске қосылды. Бұл туралы ҚХР Көлік министрлігіне сілтеме жасап Синьхуа агенттігі хабарлайды.
— Бұл жүйе Қазақстанның шекара өткелдеріндегі кезекке тіркелу үшін қытайлық жүргізушілерге жеке квоталар бөледі. Қытай және орыс тілдеріндегі екі тілді интерфейс жүйені қолдануды жеңілдетеді, тілдік кедергіні жояды және қытайлық жүргізушілерге Қазақстанның электрондық кезек жүйесін пайдалануда туындайтын қолайсыздықтарды болдырмайды. Сондай-ақ агенттік қызметтерге жұмсалатын жоғары шығындар мәселесін шешуге көмектеседі, — делінген ведомство хабарламасында.
