Қазақстанда тұрғын үй төлемдерін алатын күш құрылымдары қызметкерлерінен өтінім қабылдау басталады. Олар үшін бірден екі бағдарлама іске қосылады: «Наурыз Әскери» – жаңа тұрғын үй сатып алуға, «Әскери баспана» – екінші деңгейлі нарықтан үй алуға арналған, деп хабарлайды Ulysmedia.kz.
ТОЛЫҒЫРАҚ
17 қарашадан бастап «Отбасы банк» тұрғын үй төлемдерін алушылардан несие өтінімдерін қабылдауды бастайды. Олардың қатарында Қорғаныс министрлігі, ҰҚК, ІІМ, ТЖМ, Мемлекеттік күзет қызметі, әскери прокуратура және басқа да ведомстволардың қызметкерлері мен әскери қызметшілері бар.
Банк мәліметінше, бөлімшелерге өз бетінше барудың қажеті жоқ. Несие беру ведомстволардың өздері жасақтайтын тізімдер бойынша жүргізіледі. Қазіргі уақытта «Отбасы банк» тиісті хаттарды жолдаған.
Тізімдер жасақталғаннан кейін тұрғын үй төлемдерін алушылар банк бөлімшелеріне жүгініп, менеджер тізімде бар-жоғын тексеріп, несие өтінімін қабылдайды.
Жаңа тұрғын үй сатып алғысы келетіндер үшін «Наурыз Әскери» бағыты қарастырылған. Несие мөлшерлемесі – 9 пайыз. Бағдарламаға бастапқы жарнасыз да қатысуға болады.
Егер бастапқы жарна 0–20 пайыз аралығында болса, несие сомасының шегі:
Ал бастапқы жарна 20–50 пайыз аралығында болса, банк несие сомасын 80 миллион теңгеге дейін арттыруды жоспарлап отыр.
«Наурыз Әскери» – «Наурыз» бағдарламасының бір бөлігі. Қаржы нарықтық шарттармен әлеуметтік облигациялар шығару арқылы тартылады, ал мемлекет соңғы мөлшерлемені субсидиялайды. Жаңа тұрғын үйді таңдау, брондау және сатып алу Baspana Market порталында (otbasybank.kz) жүзеге асырылады.
Екінші деңгейлі тұрғын үй сатып алғысы келетіндер үшін «Әскери баспана» бағдарламасы қолжетімді. Мұнда несие мөлшерлемесі – 18 пайыз, бастапқы жарна – 20–50 пайыз, ал несие сомасының шегі – 50 миллион теңге. Үйді бағдарлама қатысушысы өзі таңдайды.
