Республикалықтарда жасыратын ештеңе жоқ - Трамп

ТОЛЫҒЫРАҚ

АҚШ президенті Дональд Трамп 17 қараша күні Конгресстегі Республикалық партия өкілдерін демократтар ұсынған «Эпштейн файлдарының ашықтығы туралы акт» заң жобасын қолдауға шақырды. Ол бұл бастаманы Truth Social желісінде жариялап, «республикалықтарда жасырын ештеңе жоқ» деді.

Трамп интернетте тараған, өзін Джеффри Эпштейнмен жақын байланыста болған деген тұспалдарды «радикалды солшыл демократтардың ойдан шығарған мистификациясы» деп атады. Оның айтуынша, бұл әрекет Республикалық партияның жетістіктерінен, соның ішінде демократтар ұйымдастырған «шатдаунға» қарсы жеңістен халықтың назарын бұру үшін жасалған.

– АҚШ Әділет министрлігі Эпштейнге қатысты ондаған мың бетті жариялады. Қазір демократиялық партияның саясаткерлерін – Билл Клинтон, Рид Хоффман, Ларри Саммерс және басқаларды – Эпштейнмен байланысы бойынша тексеріп жатыр. Палатадағы бақылау комитеті заңды түрде барлық материалдарға қол жеткізе алады. Маған бәрібір! – деп жазды Трамп.

Бұл мәлімдеме 12 қарашада Палата комитеті Эпштейннің мұрагерлерінен алынған жаңа құжаттарды жариялағаннан кейін айтылды. Кейбір деректерге сәйкес, Трамп марқұмның заңсыз әрекеттерінен хабардар болған болуы мүмкін.

ОСЫ АПТАДА ЗАҢ ЖОБАСЫ ҚАРАЛАДЫ

Сол күні Конгресте Эпштейн ісіне қатысты барлық құжаттарды жариялау туралы дауыс беру бастамасы көтерілді. Заң жобасы осы аптада қаралуы тиіс.

Трамп сондай-ақ Әділет министрлігі мен ФБР-ден Билл Клинтон, Ларри Саммерс және LinkedIn негізін қалаушы Рид Хоффманның Эпштейнмен байланысын тергеуді сұрайтынын айтты. Оның сөзінше, жарияланған жазбалар бұл тұлғалардың Эпштейнмен «өмірінің елеулі бөлігін бірге өткізгенін» көрсетеді.

ТРАМП КЕЛІСПЕЙ ҚАЛДЫ

Эпштейн ісіне байланысты Трамп өзінің жақтасы Марджори Тейлор Гринмен де келіспей қалды. Грин демократтар ұсынған петицияны қолдаған төрт республикалықтың бірі болды. Бұған жауап ретінде Трамп оны «сатқын» деп атап, Джорджияда губернатор немесе сенатор болуға үміткер болма деген кеңесінен кейін Грин қолдауын тоқтатқанын айтты.