Астанада сапасы нашар алты тонна ет анықталған, деп хабарлайды Ulysmedia.kz.
ТОЛЫҒЫРАҚ
Тексеру барысында санитарлық талаптар сақталмаған төрт жасырын цех анықталды. Шығу тегі белгісіз барлық өнім тәркіленді, бұл деректер бойынша тексеріс жүргізіліп жатыр. Операция кезінде жалпы 6 тоннадан астам күмәнді ет алынған. Материалдар ветеринариялық инспекцияға жіберілді.
Полиция ауыл шаруашылығы жануарларын есепке алу және сәйкестендіру жұмыстарына ерекше көңіл бөлді. Стационарлық бекеттер мен тас жолдарда мал және ет өнімдерін тасымалдаған 200-ден астам көлік тексерілді.
Сондай-ақ полиция ауыл шаруашылығы жануарлары ұстайтын жеке секторды аулалап аралап, қажетті құжаттар мен ветеринариялық анықтамалардың бар-жоғын тексерді.
