«Астана ЭКСПО-2017» компаниясының бұрынғы кеңесшісі Айдос Есполов ұсталды, деп хабарлайды Ulysmedia.kz.
ТОЛЫҒЫРАҚ
ҚазТАГ дереккөзінің хабарлауынша, «Астана ЭКСПО-2017» басқарма төрағасының бұрынғы кеңесшісі Айдос Есполовты ҰҚК Антикор қызметі екі күн бұрын Астанада ұстаған.
Айта кетейік, Айдос Есполов – экс-президент Нұрсұлтан Назарбаевтың үшінші әйелі Әсел Құрманбаеваның туған ағасы. Оның әкесі — 20 жыл бойы Алматыдағы аграрлық университетті басқарған Тілектес Есполов.
КОНТЕКСТ
Еске салайық, бұған дейін Талғат Ермегияевтің бұрынғы орынбасары Мұрат Омаров Ulysmedia-ға берген сұхбатында ЭКСПО нысандарын салу барысында мердігерлерді Айдос Есполов таңдағанын, сондай-ақ қылмыстық іс аясында экс-бас прокурор Қожамжаровтың рөлі мен экс-президент Нұрсұлтан Назарбаевтың жеке мүдделері туралы айтқан еді.
