ҚҚС: жеңілдетілген режимде қалатындардың тізімі жарияланды

ТОЛЫҒЫРАҚ

2026 жылдың 1 қаңтарынан бастап өзін-өзі жұмыспен қамтыған азаматтарға арналған арнайы жаңа салық режимі енгізіледі. Осыған байланысты рұқсат берілетін қызмет түрлерінің тізімі бекітілді. Тиісті қаулыға премьер-министр Олжас Бектенов қол қойды.

40 ҚЫЗМЕТ БАҒЫТЫ

Үкімет мақұлдаған тізімге 40 түрлі қызмет кіреді. Олардың қатарында:

• мал шаруашылығын дамытуға байланысты қызмет түрлері;

• музыкалық аспаптар өндірісі;

• сылақ жұмыстары;

• ағаш ұстасы және құрылыс ағаш жұмыстары;

• еден жабу және қабырғаларды қаптау;

• сырлау және әйнек орнату жұмыстары;

• желілік маркетинг арқылы бөлшек сауда;

• такси қызметі;

• кейбір пошта және курьерлік қызмет түрлері;

• дайын тағамды жеткізу қызметі;

• тұрғын үйді жалға беру, субаренда және басқару;

• фотография саласындағы қызмет;

• ауызша және жазбаша аударма;

• ветеринариялық қызмет;

• жеке тұтынуға арналған тауарларды жалға беру және лизинг;

• тұрғын үйлерді жалпы тазалау;

• интернет-платформалар арқылы көрсетілетін коммерциялық көмекші қызметтер;

• спорт және демалыс саласындағы білім беру;

• мәдениет саласындағы білім беру;

• өзге де білім беру қызметтері;

• көркем және әдеби шығармашылық;

• компьютерлер мен перифериялық құрылғыларды жөндеу;

• байланыс жабдықтарын жөндеу;

• тұрмыстық электроника жөндеу;

• тұрмыстық және бақша техникаларын жөндеу;

• аяқ киім жөндеу;

• былғары және галантерея бұйымдарын жөндеу;

• жиһаз және интерьер заттарын жөндеу;

• қол сағаттары мен өзге де сағаттарды жөндеу;

• зергерлік бұйымдарды жөндеу;

• тоқыма және трикотаж бұйымдарын жөндеу;

• тігін, бас киім және галантерея бұйымдарын жөндеу;

• тері және тон бұйымдарын жөндеу;

• музыкалық аспаптарды жөндеу;

• кілемдер мен кілем бұйымдарын жөндеу;

• велосипед жөндеу;

• өзге тұрмыстық заттарды жөндеу;

• шаштараз және сұлулық салондарының қызметі;

• үй шаруашылығында жалдамалы қызметкерлерді жұмысқа алу;

• жеке тұтынуға арналған өнім өндіретін үй шаруашылықтары.

САЛЫҚ КОДЕКСІ

Салық кодексіне енгізілген өзгерістер 2026 жылдан бастап күшіне енеді.