Шымкентте 100 жасында Екінші дүниежүзілік соғыстың соңғы ардагері Мұраталы Төлепбергенұлы дүниеден өтті. Ол Бресттен Германияға дейінгі жауынгерлік жолды өткеріп, ерлігі үшін марапатталған, деп хабарлайды Ulysmedia.kz Otyrar-ға сілтеме жасап.
ТОЛЫҒЫРАҚ
Шымкентте 27 қараша күні қаладағы Екінші дүниежүзілік соғыстың соңғы ардагері Мұраталы Төлепбергенұлы қайтыс болды.
Биыл мамыр айында ардагер қос мерейтойды өзінің 100 жылдығын және Жеңістің 80 жылдығын атап өтті. Ол 1943 жылы 18 жасында соғысқа аттанған. 339-қарсы танкілік артиллериялық бөлімде радист болып қызмет еткен. Қазақстандық жауынгер ауыр шайқастарды бастан өткеріп, Бресттен Германияға дейінгі жолды жүріп өтті, Украина мен Польша аумағындағы соғысқа қатысты. Жеңістен кейін тағы бес жыл әскер сапында қызметін жалғастырды.
НАГРАДАЛАРЫ
Көрсеткен ерлігі үшін Мұраталы Төлепбергенұлы II дәрежелі Отан соғысы орденімен, сондай-ақ «Ерлігі үшін», «Варшаваны азат еткені үшін» және «Германияны жеңгені үшін» медальдарымен марапатталған.
Ардагер соңғы жылдары тұрған Түлкібас ауданында әскери құрметпен жерленді.
