Денсаулық сақтау министрі Ақмарал Әлназарованың Талғар ауданы мен Алматы облысының тұрғындарымен кездесуінде айтылған сөз қоғамда қызу талқыланып жатыр, деп хабарлайды Ulysmedia.kz.
ТОЛЫҒЫРАҚ
Кездесуде Алматы облысы әкімінің бір орынбасары былай деген: «Мүгедек адамдарға құрметпен қараңыздар, оларды Алланың өзі жазалап қойған».
Залдағы адамдардың айтуынша, біреулер айтылған сөздің мәнін бірден түсінбесе, енді бірі ашық наразылық білдірген.
Видео әлеуметтік желіде тарағаннан кейін талқылау одан әрі өрши түсті. Желі қолданушылары мұндай пікірді мемлекеттік қызметкердің айтқанына таңданып, шенеунікті дискриминация жасады деп айыптады және этикалық нормаларды бұзды деп есептеп отыр. Құқық қорғаушылар мен азаматтық белсенділер биліктен ресми реакция талап етіп жатыр.
Ulysmedia.kz тілшісі Алматы облысы әкімдігінің баспасөз қызметінен осы жайтқа қатысты түсінік беруін сұрады.
