Жасанды интеллект және цифрлық даму министрлігінің жанындағы Қоғамдық кеңестің алғашқы отырысында оның жаңа төрағасы болып Women in Tech Kazakhstan Chapter ұйымының жетекшісі Әсем Болатжан сайланды, деп хабарлайды Ulysmedia.kz.
ТОЛЫҒЫРАҚ
Жиын басында вице-премьер – жасанды интеллект және цифрлық даму министрі Жаслан Мәдиев мемлекет, сарапшылар және қоғам арасындағы ашық диалогтың маңызы туралы айтты.
Мәдиев ведомствоның негізгі жұмысына қысқаша шолу жасап өтті. Қоғамдық кеңес туралы ережені таныстырғаннан кейін дауыс беру өтіп, оның нәтижесінде кеңес төрағасы болып Әсем Болатжан бекітілді.
КОНТЕКСТ
Әсем Болатжан — Women in Tech Kazakhstan Chapter ұйымының басшысы. 2025 жылдың ақпанында ол «Атамекен» ҰКП жанындағы ІКТ, білім және инновациялар комитетін басқарды. Сондай-ақ SOLVA және White Hill Capital компанияларының директорлар кеңесінің, әрі премьер-министр жанындағы отандық кәсіпкерлер кеңесінің мүшесі.
