Түркістан облысында 7 минуттық тарихи ролик түсіруге 100 миллион теңге бөлінген, деп хабарлайды Ulysmedia.
Мән-жай
Kursiv.media сайтының жазуынша, 7 минуттық роликті жасауға «Ұлы Дала Елі орталығы» мекемесі «G7 Exclusive» ЖШС-ға тапсырыс берген.
Видеоматериал арнайы голографиялық шоу-залда көрсетіледі. Келісім-шартқа сәйкес, материалды осы жылдың соңына дейін аяқтауы керек болған.
Даудан кейін облыс әкімдігі роликке қатысты хабарлама таратты. Онда әкімнің келісім-шартты тексеруге тапсырма бергені айтады.
«Облыс әкімі Нұралхан Көшеров аталған шарттың жасалған жағдайларын жан-жақты тексеруді, соның ішінде қажетті рәсімдердің сақталуын және бюджет қаражатының мақсатты пайдаланылуын қамтамасыз етуді тапсырды», – деп жазылған облыс әкімдігінің хабарламасында.
Мәдениет басқармасының мәліметінше, видеоролик Қазақстан тарихын ежелгі дәуірден бүгінгі күнге дейін түрлі көркемдік формалар арқылы көрсетуі тиіс.
