Қырғызстан ҰҚК шекара қызметі қазақстандықтар үшін елде болу тәртібіндегі негізгі өзгерістерді жариялады, деп хабарлайды Ulysmedia.kz.
ТОЛЫҒЫРАҚ
Ведомство қазақстандықтар үшін Қырғызстандағы болу ережелерінің 1 қыркүйектен бастап өзгергенін еске салды.
НЕГІЗГІ ӨЗГЕРІСТЕР
Виза режимі жоқ мерзімді есептеу: 1 қыркүйектен бастап қазақстандықтар Қырғызстанда әрбір 180 күнде ең көп дегенде 90 күн бойы бола алады, бұл бірінші кірген күннен бастап есептеледі.
Тұру орны бойынша тіркеу: қазақстандықтар алғашқы 30 күнге тіркеуден босатылады; 30 күннен асқан жағдайда тіркеу міндетті болады.
Елде болу мерзімін бұзғаны үшін жауапкершілік: тіркеусіз 90 күннен артық болу кезінде елге келесі кіру 90 күнге шектеледі.
Елде болу мерзімін ұзарту негіздері: Қырғызстанда заңды түрде болу мерзімін тіркеу құжаты, тұруға рұқсат қағазы, уақытша тұру рұқсаты, «Қайрылман», «Мекен-карт», «Резидент-карт» статустары немесе халықаралық келісімдермен қарастырылған басқа құжаттар арқылы ұзартуға болады.
